Үй-бүлөлүк зомбулук көрсөткөн Р.У.Н. кармалып, убактылуу кармоочу жайга киргизилди. Бул тууралуу УКМК билдирди.

Ага ден соолукка зыян келтирүү жана алдамчылык фактысы менен иш козголду.

Шектүүнүн колунан жабыркаган аялы М.Т. Бишкектеги медициналык мекемелердин биринде дарыланууда.

УКМК билдиргендей, кармалган жаран жубайын ур-токмокко алып, моралдык-психологиялык кысым көрсөтүп келген. Андан тышкары, кайын журтунан алган 30 миң долларды дагы кайтыруудан баш тартып жүргөн.

Эскерте кетсек, Баткенде 22 жаштагы келиндин өлүмүнөн кийин Камчыбек Ташиев кыз-келиндерди зомбулукка каршы турууга жана андай фактылар боюнча УКМКга кайрылууга чакырган.

Биздин Телеграм каналга катталыңыз