Транспорт каражаттарын жана айдоочулук курамды каттоо боюнча мамлекеттик борбордун Аламүдүн бөлүмү боюнча айдоочулук күбөлүк алууга практикалык сынак тапшыруу жайынын дареги өзгөртүлдү.

Борбордун маалыматына ылайык, 29-июндан баштап практикалык экзамендер Сокулук районунун Кожомкул айылындагы Степная көчөсү, 89а («АвтоДостук» автодрому) дарегинде өткөрүлөт.

Аталган бөлүмдүн башка кызматтары — теориялык экзамендерди кабыл алуу, күбөлүктөрдү берүү жана алмаштыруу мурдагыдай эле Бишкек шаары, Элебесов көчөсү, 206 дарегинде жүргүзүлө берет. Бул өзгөрүү практикалык сынакка гана тиешелүү.