Бишкектеги Айтматов проспектисинин Масалиев көчөсүнөн Ахунбаев көчөсүнө чейинки бөлүгү эки айга жабылат. Бул тууралуу шаардык мэриядан кабарлашты.

Маалыматка ылайык, жолду реконструкциялоо иштери 29-июлда башталат. Алгач этапта бордюрлар менен лотоктор демонтаждалып, бул убакта унаалар үчүн жол ачык бойдон калат.

“Бирок оңдоо иштери негизги жүрүүчү бөлүккө жеткен учурда жол толугу менен жабылып, каттам убактылуу токтотулат”,-деп айтылат маалыматта.