Быйылкы жылы кургакчылык болгонуна карабай сугат мезгилине 7 млрд. куб.м. суу берилип, 1 млн. 184 миң га жер сугарылды. Бул өткөн жылга салыштырганда 1 млрд. куб.мге көп. Бул тууралуу Айыл чарба министрлиги билдирди.

Министрликтин маалыматында, бул жаатта жүргүзүлүп жаткан иштердин натыйжасында сугаруу мезгилинде дыйкан-фермерлер үчүн орчундуу көйгөйлөр жаралган жок:

• 2030-жылга чейин пландаштырылган 106 суу сактоочу бассейндин ону курулуп бүтүп, 12 объектиде курулуш иштери аткарылууда. Ал эми 29 объектиде долбоорлоо иштери жүрүүдө.
• Ошондой эле 429,5 км каналдар, 302 гидротехникалык курулмалар, 123 суу өлчөөчү посттор, 91 насостук станциялар, 156 насостук агрегаттар оңдолуп тазаланган.
• Ал эми тамчылатып, жамгырлатып сугаруу системасы жалпы 8 миң 365 га аянтта орнотулган.
• Мындан тыкшары 1 155 суу скважиналардын ичинен 30-у калыбына келтирилип, бетон полотносун чыгаруучу заводдун курулушу башталган. 2025-жылы 500 миң кв.м. каналга бетон полотносун орнотуу иштери жүрүп жатат.