Азербайжандын абадан коргонуу күчтөрүнүн учагы аскердик машыгуу маалында кырсыкка учурап, Каспий деңизине кулады. Бул тууралуу аталган өлкөнүн Коргоо министрлигинин басма сөз кызматы билдирет.

24-июль күнү саат 22:00 чамасында өтүп жаткан түнкү машыгуу кезинде абадан коргонуу күчтөрүнүн МиГ-29 аскердик учагы менен байланыш үзгүлтүккө учурап, ал радардан көрүнбөй кеткен. Мындан улам учак кырсыкка кабылып, деңизге кулаган. Учурда кырсыктын себептери жана учкучту издөө чаралары жүргүзүлүүдө.