Кыргызстандын улуттук курамасы Азия кубогуна катышуу үчүн Доха шаарына келди. Бул тууралуу Футбол биримдиги билдирди.
Аларды Катарда жылуу тосуп алышканы маалымдалат.
Бир катар оюнчулар Доханын аэропортунда жаңы туу менен түшкөн сүрөтүн жарыялашты. Бирок Футбол биримдиги бир аздан кийин социалдык тармактагы баракчаларынан желек бар сүрөттөрдү алып салды.
Азия кубогу 2024-жылы 12-январдан 10-февралга чейин Катарда болуп өтөт. Кыргызстан бул мелдеште Таиланд, Сауд Арабия жана Оман курамаралары менен бир тайпада жайгашкан.
Биздин Телеграм каналга катталыңыз
