7-21-ноябрда Кыргызстанда биринчи жолу Бишкек эл аралык кинофестивалы өтөт.  Бул тууралуу уюштуруучулар билдирди.

Фестивалдын алкагында эл аралык жана улуттук тасмалардын сынагы болуп, анда Кыргызстандан  сегиз,  чет өлкөдөн  10 фильм ат салышат. Жалпы байге фонду 3 миллион сомду түзөт.

Сынакка катышкан кинолорду 18-19-20-ноябрда көрүүгө болот.  Андан сырткары, иш-чарада сапаттуу трейлерлерди жасоо жана актердук чеберчилик боюнча мастер класс,  заманбап дистрибьютордук рынок,  интеллект жана кино темасында лекциялар уюштурулат.

Муну менен катар Орто Азиянын питчинг лабораториясы  өткөрүлөт.

Фестивалдын алкагында Чыңгыз Айтматовдун 95 жылдыгына арналган форум да болот.

Биздин Телеграм каналга катталыңыз