Бала бакча курам деген жарандарга өкмөт жер бөлүп берет. Бул тууралуу министрлер кабинетинин төрагасынын орун басары Бакыт Төрөбаев 6-октябрда парламенттин жыйынында билдирди.

Анын айтымында, бала бакча ачууну пландаган ишкерлер мамлекет тарабынан колдоого алынат.

“Эгерде бала бакча курам деген жарандын жери бар болсо, анда бала бакча курууга насыя беребиз. Насыя пайызы жок берилет ”, – деди ал.

Жыйында “Билим берүү жөнүндөгү” жаңы мыйзамынын долбоору боюнча сөз болуп, анда билим берүү системасын реформалоо зарылдыгы айтылган.

Белгилей кетсек, 2021-жылдын 5-майында президент өз кайрылуусунда билим берүү системасын реформалоону экономиканын керектөөлөрүнө жана жаңы замандын талабына ылайык жүргүзүү керектигин белгилеген.

Биздин Телеграм каналга катталыңыз