10-октябрда саат 00:21 чамасында Балыкчы шаарындагы үйлөрдүн биринен 13 жаштагы кыздын жансыз денеси табылганы тууралуу билдирүү түшкөн. Бул тууралуу Ысык-Көл облустук ички иштер башкармалыгы маалымдады.

Билдирүү Балыкчы шаардык милициясына катталып, окуя болгон жерге тергөө-ыкчам тобу чыккан. Натыйжада 2012-жылы туулган кыздын сөөгү табылган.

Учурда териштирүү иштери жүрүп жатат.

Кыздын ата-энеси арыз жазуудан баш тартышканын, милицияга дооматтары жок экенин билдиришкен.