Бүгүн, 28-майда, Балыкчы шаарында «Кыргызалтын» ишканасынын «Алтын Логистик» эл аралык логистикалык борбору ачылды. Ачылыш аземге Министрлер кабинетинин төрагасы Адылбек Касымалиев катышты. Бул тууралуу өкмөттүн басма сөз кызматы билдирди.

Логистикалык борбор 5,5 гектар аянтка жайгашкан. Комплекстин кубаттуулугу күнүнө 200 жүк ташуучу унааны тейлөөгө мүмкүндүк берет. Долбоордун алкагында 80ден ашык жаңы жумуш орундары түзүлдү.

Адылбек Касымалиев аземде сүйлөгөн сөзүндө аталган борбор Кытай, Борбор Азия жана КМШ өлкөлөрүн байланыштырган логистикалык хаб катары иш алып барарын билдирген. Анын айтымында, борбордун жайгашкан орду соода байланыштарын кеңейтүүгө жана транзиттик жүк агымын көбөйтүүгө шарт түзөт.