Башкы прокурор Жогорку Кеңештин депутаты болуп турган учурунда, 2020-жылы  750 722 сом иштеп тапкан, чыгашасы жазылган эмес. Бул туурасында Салык кызматына тапшырган декларациясында көрсөтүлгөн.

Ал Toyota  үлгүсүндөгү (модели жазылган эмес) автоунаасына, 70 миң сомдук эмерек, 25 миң сомдук компьютер жана техникага ээлик кылат. Ошондой эле  250 миң сомго бааланган бодо малы,, 700 миң сомдук жылкы, 1 млн. 650 миң сомдук таза кандуу аргымактары бар.

Жакын туугандары 2020-жылы 250 миң сом киреше чогулткан. Чыгашасы 4,9 миллион сомго жеткен. 119 чарчы метрлик турак жайы, аянты 8,1 гектар айыл чарба багытындагы жер тилкеси бар.

Курманкул Зулушев 2020-жылдын октябрь айына чейин Жогорку Кеңештин депутаты болуп иштеген.