Булак –Баш айылындагы мектептин дубалы түшүп калды. Быйыл балдар каякта окушат? Бул суроону Жогорку Кеңештин депутаты Таабалды Тиллебаев бүгүнкү парламенттик жыйында Мамлекеттик архитектура жана курулуш агенттигинин стат-катчысы  Самат Бөрүбаевге берди.

Ал ортодо Бөрүбаев  бул мектепти куруу боюнча сунушту экономика жана каржы министрлигине бергенин, бирок,  2022-жылдан планына сунушталганын билдирди.

Бул жоопко канааттанбаган депутат “балдар көчөдө окушу керекпи, дубалы басып калышы керекпи? 4 жылдан бери ошол мектепти сала албай койдуңар. Мектеп кулап калса каякта окуйт?” деп каарданды.

Самат Бөрүбаев “ошол шартка жараша окуп жаткан жерлеринде, болбой баратса чатырларда окушат” деп жооп берди.