Бүгүн, 18-сентябрь саат 11:00гө карата алынган маалымат боюнча кыргыз-тажик чек арасындагы куралдуу кагылышуудан жабыркагандардын саны 134 кишиге жетти. Бул тууралуу Саламаттыктык сактоо министрлигинин өкүлү маалымат жыйында билдирди.

Маалым болгондой, жабыркагандардын айрымдары Бишкекке которулду.

Баткен облусуна башка аймактардан дарыгерлер бригадалары келишти – учурда 89 дарыгер иштеп жатат. Бишкектен 37 дарыгер Исфана шаарына учуп кетти, алар Лейлек районунда иштешет. Баткен облусунда Кызыл-Кыя жана Ош шаарларынан келген дарыгерлер бригадалары иштеп жатат.

Ведомствонун маалыматына ылайык, чек арадагы кагылышууда набыт болгондордун саны 36га жетти.

Биздин Телеграм каналга катталыңыз