11-августта Кыргызстандын куралдуу күчтөрүнүн 73809-аскер бөлүгүнүн аймагында 1999-2000-жылдары Баткен коогалаңында курман болгон жоокерлерге арналган эскерүү иш-чарасы болуп өттү. Бул тууралуу Коргоо министрлиги билдирди.

Маалыматка ылайык, иш-чара мекенди коргоо үчүн жан аябаган баатырларды эскерүүгө арналган.

Анда курман болгондордун элесине гүл чамбарлар коюлуп, алардын эрдиги даңазаланган. Салтанатка Баткен коогалаңынын ардагерлери катышкан.