Баткенде 3 ай ичинде жол кыймылынын эрежелерин бузуу фактылары үчүн 9814 протокол толтурулган. Бул тууралуу Баткен ОИИБи боюнча ЖКККБнын Басма сөз кызматынан билдиришти.
Баткен ОИИБи боюнча ЖКККБнын кызматкерлеринин 2023-жылдын 3 ай ичинде аткарган иштерин жыйынтыктаган ыкчам кеңешме болуп өттү. Анда жол кырсыгын алдын алуу жана өспүрүмдөрдүн жолдогу коопсуздугу боюнча маселелер каралып, жетекчилик тарабынан бөлүмчөлөргө тийиштүү тапшырмалар коюлду.
Жол инспекторлору тарабынан 3 ай ичинде жол кыймылынын эрежелерин бузуу
фактылары үчүн 9814 протокол толтурулган.
Алардын ичинен, унаага тийиштүү документтери жок айдоо-182,
мас абалында унаа башкаруу-189,
ылдамдыкты ашыруу-1513,
унаанын алдыңкы жана каптал терезелерин атайын караңгылатып айдоо -21,
коопсуздук курун тагынбай унаа башкаруу -4080, ар кандай жол кыймылынын эрежелерин бузуу – 3829 аныкталса, 480 унаа убактылуу айып короо жайына токтотулган.
