Баткен облусунда аткезчилик жол менен жүк ташыган унаа кармалды. Бул тууралуу УКМКнын басма сөз кызматы билдирди.
Маалыматка караганда, 30-мартта УКМКнын Баткен облусу боюнча башкармалыгы тарабынан контрабандага каршы аракеттенүү боюнча ыкчам-издөө иш-чараларынын жүрүшүндө, Мамлекеттик бажы кызматы менен биргеликте Кыргызстандын С.С.М. аттуу жаранынын башкаруусундагы “Мерседес-Бенц” үлгүсүндөгү унаа кармалган.
Унааны текшерүү учурунда жүк салуучу бөлүгүнөн күрүч (Өзгөн) түрүндөгү жалпы салмагы 16 тонна (болжолдуу баасы 2 млн сомго жакын) контрабандалык жүк табылган.
Учурда ыкчам-тергөө иш-чаралары жүрүп жатат.
Биздин Телеграм каналга катталыңыз
