Баткен облусунда майда малды контрабандалык жол менен алып өтүү фактысы аныкталды. Бул тууралуу УКМКнын басма сөз кызматы билдирди.

Маалыматка караганда, ушул жылдын 26-апрелинде УКМКнын аскер кызматкерлери тарабынан Баткен облусунун Лейлек районуна караштуу Кулунду айыл аймагындагы “Сада” тилкесинде мыйзамсыз түрдө 258 баш кой ташуу фактысы боюнча Кыргызстандын жараны Д.Н.А. кармалган.

Соода-өнөр жай палатасынын корутундусуна ылайык, кармалган майда мүйүздүү малдын (койлордун) чыгымы 2 млн 569 миң 500 сомду түздү.