УКМК тарабынан жүргүзүлгөн ыкчам-иликтөө иштеринин жыйынтыгында Мамлекеттик бажы кызматынын “Баткен” бажысынын улук инспектору К.Г.Б. 1000 АКШ доллары өлчөмүндө пара берип жаткан жеринен кармалды. Бул тууралуу УКМКнын басма сөз кызматы маалымдады.

Маалыматка ылайык, кармалган кызматкер Коопсуздук жана коррупцияга каршы күрөшүү кызматынын кызматкерине кызматтык иликтөө боюнча оң чечим чыгарып берүү үчүн пара сунуштаган.

Аталган факт боюнча “Пара берүү” беренеси менен кылмыш иши козголуп, шектүү УКМКнын тергөө абагынын убактылуу кармоочу жайына киргизилди. Учурда тергөө иштери улантылууда.