Баткен облусунун Кадамжай районунда короосуна жашыруун баңги өсүмдүгүн өстүргөн 65 жаштагы жаран кармалды. Бул тууралуу облустук ички иштер башкармалыгы билдирди.

Маалыматка караганда, шектүү өз үйүнүн короосунда жана жүзүм дарагынын арасында бою 2 метрге жеткен 4 түп баңги өсүмдүгүн мыйзамсыз өстүргөн. Кароо маалында өзгөчө жыты бар бул өсүмдүктөрдүн жалпы салмагы 13 кг 94 грамм экени аныкталып, конопля экендиги экспертизада тастыкталды.

Шектүү убактылуу кармоочу жайга киргизилип, кылмыш иши козголду.