Кызыл-Кыя шаарында 12-14-июль  күндөрү балдар менен иштөө инспекциясынын тескөөчүлөрү жайкы каникул убагында оор жумушка тартылган өспүрүмдөрдү,  кароосуз жана көзөмөлсүз калган жаш балдарды аныктоо максатында “Өспүрүм-Эмгек” аталышындагы иш-чара өткөрдү. Бул тууралуу Баткен облустук милициясынан билдиришти.

Кызыл-Кыя шаар аймагында жайгашкан “Таштемир-Ажы” борбордук базарында араба сүйрөгөн, кафе-ресторандарда,  түнкү компьютердик клубдарда эмгектенип жаткан өспүрүмдөрдү аныктоо максатында түнкү-күндүзгү рейддерди уюштурду.

Текшерүүнүн жүрүшүндө укук бузуулар жөнүндө кодексинин негизинде 3 протокол толтурулуп, айып пулдар салынды.

Ошондой эле, иш-чаранын жүрүшүндө  дайынсыз жоголгон өспүрүм кыз табылып, ата-энесине өткөрүлүп берилди.

Биздин Телеграм каналга катталыңыз