Базар-Коргон – Арстанбап унаа жолунун 23-33-чакырым аралыгы оңдоо иштери жүрүүдө. Учурда аталган тилкеде эски асфальтты сыйруу иштери аяктап, жолдун негизин даярдоо үчүн шагыл төшөө жана тегиздөө жумуштары жүрүүдө.

Транспорт жана коммуникациялар министрлигинин маалыматы боюнча, жакын арада жаңы асфальт бетон катмарын төшөө иштери башталат.

Мекеме аймактагы туруксуз аба ырайы жана жаан-чачын жумуштун жүрүшүнө таасирин тийгизип жатканын билдирип, айдоочуларды жаралган убактылуу ыңгайсыздыктарды түшүнүү менен кабыл алууга чакырды.