Президент Садыр Жапаров КР Каржы министрлигине караштуу Мамлекеттик бажы кызматынын (МБК) төрагасы Алмаз Салиевге «бажы кызматынын генерал-майору» жогорку атайын наамын ыйгаруу жөнүндө жарлыкка кол койду.

Чечим өлкө Конституциясынын 70-беренесинин 10-бөлүгүнүн 2-пунктуна ылайык кабыл алынган.

Алмаз Салиев 1974-жылы Ош облусунда туулган, инженердик жана юридикалык билимге ээ. Бажы органдарында 2004-жылдан бери кызмат өтөп, аймактык бөлүмдөрдөн тартып борбордук аппаратты жетектөөгө жана 2022–2025-жылдары ээлеген МБКнын төрагасынын орун басары кызматына чейинки жолду басып өткөн.