Ош шаарында Курманжан датка көчөсүнүн А. Навои жана Касымбеков көчөлөрүнүн ортосундагы тилкесинде тротуар куруу иштери башталды.

Мэриянын маалыматында, жөө жүргүнчүлөр өтүүчү жолдун узундугу 7 чакырымды, кеңдиги 2,25 метрди түзөт. Иштин алкагында көчөнүн эки тарабына жашыл аймак түзүү каралган. Бул максатта буга чейин миңдей бак-дарак отургузулган.

Өткөн жылы аталган көчө капиталдык оңдоодон өтүп, ирригациялык лотоктор орнотулган.