“Бээжин 2022” Олимпиада комитети Бээжин Кышкы Олимп оюндарына ыктыярчыларды тартууда. Бул тууралуу Grantium Telegram каналы билдирет.

Дүйнөнүн каалаган өлкөсүнөн каалаган адам ыктыярчы боло алат. Талапкер 2022-жылдын 1-январына чейин 18 жашка толуп, кытай же англис тилинде баарлашуу мүмкүнчүлүгүнө ээ болушу керек.

Пекиндеги Оюндарды уюштуруу комитети 39 миң ыктыярчыны тандап алганы жатат, анын 27 миңи Олимп оюндарына, 12 миңи Паралимпиада оюндарына катышат.

Тандоонун жыйынтыгы 2021-жылдын 30-сентябрында жарыяланат.