Кыргызстанда акыркы 24 саат ичинде коронавирус илдетинен 14 бейтап көз жумганын Коомдук саламаттык сактоо башкармалыгынын башчысы Айнура Акматова брифинг учурунда билдирди.
31-июлга карта кайтыш болгондордун эң көбү Ысык-Көл облусунда катталган –төрт адам, Чүй облусунда үч адам, Бишкек шаары менен Ош облусунда экиден адам, Ош шаарында, Нарын жана Баткен облустарында бирден адам каза болгон.
Пандемия башталгандан бери өлкө боюнча вирус жуктуруп каза болгондордун саны 1 378 адамга жетти.
