Ушул жылдын 1-майына чейин 2024-жылдын жыйынтыгы боюнча бирдиктүү салык декларациясын тапшыруунун 2-этабы улантылат. Бул тууралуу Салык кызматы билдирди.

Бул салык декларациясын төмөнкүлөр тапшырууга милдеттүү:

• жеке ишкерлер;
• патенттин негизинде же өзгөчө режимдеги соода аймагында иш жүргүзгөн жеке жактар;
• чет мамлекеттин аймагында турган эл аралык уюмдарда, дипломатиялык жана консулдук мекемелерде иштеген Кыргызстандын жараны;
• киреше салыгын кармоо милдеттенмеси пайда болбогон субъекттен салык салынуучу киреше алган жеке жактар.