2024-жылдын аягына чейин Кыргызстан менен БАЭ айдоочулук күбөлүктөрдү өз ара таануу жана алмашуу боюнча меморандумга кол коюшат. Бул тууралуу Тышкы иштер министрлиги билдирди.

Кыргызстандын элчиси БАЭнын тышкы иштер министри менен жолугушту.

Жолугушуунун оң натыйжасы болуп, эки өлкөнүн тиешелүү мамлекеттик органдары тарабынан берилген айдоочулук күбөлүктөрдү өз ара таануу жана алмашуу боюнча түшүнүшүү жөнүндө меморандумга кол коюу тууралуу макулдашуунун жетишилгендиги болду. Буга чейин документтин тексти тараптар тарабынан макулдашылып, бул жол коопсуздугу жана эки өлкөнүн жарандарынын ыңгайлуулугу боюнча кызматташууну мындан ары өнүктүрүүгө даярдыгын баса белгилейт.