.svg){kind=logo}
Эмгек мигранттары пенсиялык камсыздандыруу полисин аралыктан ала алышатАтамбаев автобус айдоочуларын майыптар арабасындагы адамдарды таштап кетпөөгө чакырдыОш шаарында автобустук каттамдардын багыттары өзгөртүлдүСамаков шайлоо күнүн эс алуу күнү кылбоону сунуштадыБШК бир тилкедеги шайлоочулардын санын 3 миңден 4 миң адамга чейин көбөйттүЖапаров: КРдин экономикасынын өсүшү дүйнөдөгү эң жогорку көрсөткүчтөрдүн бири
Биринчи гол жана жеңилүү — Өзбекстан Дүйнө чемпионатында дебют жасады
18.06.2026 | 11:12
2026-жылкы футбол боюнча Дүйнө чемпионатынын «K» тайпасындагы Өзбекстан жана Колумбия курама командаларынын ортосундагы беттеш 3:1 эсебинде түштүк америкалык команданын жеңиши менен аяктады. Оюн Мехико шаарындагы «Ацтека» стадионунда өттү.
Беттештин 40-мүнөтүндө Луис Диастын чыгарып берүүсүнөн кийин Колумбия курамасынын коргоочусу Даниэль Муньос эсепти ачты.
Экинчи таймда Өзбекстан курамасынын жарым коргоочусу Аббосбек Файзуллаев эсепти теңеди. Бул топ өзбек командасынын Дүйнө чемпионаттарынын тарыхындагы алгачкы голу болуп калды.
Бирок бир нече мүнөттөн кийин Луис Диас колумбиялыктарды кайрадан алдыга чыгарды. Оюндун акыркы эсебин Колумбия курамасынын жарым коргоочусу Хаминтон Кампас белгиледи.
Өзбекстан жана Колумбиядан тышкары «K» тайпасында Португалия жана ДР Конго курама командалары ойноп жатат.
Футбол боюнча Дүйнө чемпионаты 2026-жылдын 11-июнунан 19-июлуна чейин АКШ, Канада жана Мексикада өтүүдө. Аргентина курамасы учурдагы дүйнө чемпиону наамын сактап келет.
