Бишкек – Астана багыты боюнча түз аба каттам 16-июндан тартып жанданды. Бул тууралуу “Манас” аэропортунан билдиришти.

Аба каттамды казакстандык FlyArystan авиакомпаниясы Airbus A320 учагы менен аткарууда. Каттам жумасына 2 жолу – шейшемби жана жекшемби күндөрү жүргүзүлөт.

Бишкектен Астанага учуу убактысы 1 саат 45 мүнөттү түзөт.

“Манас” аэропорту аталган каттамга байланыштуу бардык суроолор боюнча авиакомпания менен түз байланышууну сунуштайт.