5-июндан тарта Бишкек – Балыкчы – Бишкек багыты боюнча жүргүнчү поездинин каттамы жанданат. Поезд сентябрь айынын ортосуна чейин иштейт. Бул тууралуу «Кыргыз темир жолу» мамлекеттик ишканасы маалымдады.

Каттамдар 5-июндан 21-июнга чейин жума, ишемби жана жекшемби күндөрү жүрөт. Ал эми 26-июндан 13-сентябрга чейин күн сайын каттайт.

Жөнөө жана келүү убактысы:

• Бишкек-2 бекетинен жөнөө — 08:06;
• Балыкчы бекетине келүү — 12:12;
• «Балыкчы пляж» токтоо пунктуна келүү — 12:37;
• «Балыкчы пляж» пунктунан кайра жөнөө — 18:40;
• Бишкек-2 бекетине келүү — 23:11.

Бишкек-2 темир жол бекети Эркиндик бульвары, 1А дарегинде жайгашкан.

Поезддин курамында 16 вагон каралган. Алар аймактар аралык (МО), «Люкс», «ВИП» жана «ВИП купе» категорияларына бөлүнөт.

Жол кире акысы:

Аймактар аралык вагондор (МО):

• Чоңдор үчүн: накталай — 180 сом, накталай эмес — 150 сом;
• Балдар үчүн (5-10 жаш): накталай — 90 сом, накталай эмес — 73 сом.

«Люкс» вагону:

• Чоңдор үчүн: накталай — 600 сом, накталай эмес — 500 сом;
• Балдар үчүн: накталай — 300 сом, накталай эмес — 250 сом.

«ВИП» вагону:

• Чоңдор үчүн: накталай — 1000 сом, накталай эмес — 800 сом;
• Балдар үчүн: накталай — 500 сом, накталай эмес — 400 сом.

«ВИП-купе» вагону:

• Накталай — 7200 сом, накталай эмес — 6000 сом.

Жол кире акысы отурган жана түшкөн бекетке көз каранды эмес.