“Кемин” көмөк чордону кышкы мезгилге 95 пайызга даяр болду. Бул тууралуу Энергетика министрлиги билдирди.

Маалыматка ылайык, “Кемин” өлкөдөгү эң ири төрт көмөк чордондун бири болуп саналат.

Июнь айында Чүй электр тармактар ишканасы 1-автотрансформаторду кезектеги оңдоодон өткөргөн. Ал эми октябрда 2-автотрансформатор менен 500 кВ реактор бөлүкчөлөрү менен оңдолду.

Мындан тышкары, 220 кВ линиясынын 12 уячасы техникалык тейлөөдөн өттү.

Министрликтин маалыматына караганда, калган оңдоо иштери 1-ноябрга чейин толугу менен аяктайт.