Бишкек шаарынын мэриясы шаардын алты негизги көчөсүн капиталдык оңдоодон өткөрүү планын жарыялады.
Мэриядан билдиришкендей, борбордун көчөлөрү жарактан чыгып жатакандыгынын бирден бир себеби шаардагы жолдун көпчүлүгү мындан 18-20 жыл мурда салынган бойдон азырга чейин колдонулууда. Талап боюнча асфальт жолдо 8-10 жыл аралыгында эле эксплуатация мөөнөтү аяктайт.
Калаа бийлиги төмөнкү көчөлөрдө капиталдык оңдоо жүргүзүүнү мерчемдеп жатат:
— Чүй проспектиси Манас проспектисинен Айтматов көчөсүнө чейин;
— Ж. Абдрахманов көчөсү Жибек-Жолу проспектисинен А. Масалиев проспектисине чейин;
— И. Ахунбаев көчөсү Ч. Айтматов көчөсүнөн Ж. Пудовкин көчөсүнө чейин;
— М. Горький көчөсү Манас проспектисинен 7-апрель көчөсүнө чейин;
— Б. Юнусалиев көчөсү Сухе-Батор көчөсүнөн М. Горький көчөсүнө чейин оңдолот.
Ал эми Жибек-Жолу проспектисинин Курманжан Датка көчөсүнөн Тоголок Молдо көчөсүнө чейинки бөлүгү капиталдык оңдоодон өтөт жана кеңейтилет.
Биздин Телеграм каналга катталыңыз
