Транспорт жана коммуникациялар министрлиги “Эл аралык маанидеги жолдорду жакшыртуу” долбоорунун алкагында Япониялык компания менен келишимге кол койду.

Транспорт министрлигинен кабарлашкандай, долбоордун алкагында Бишкек – Ош унаа жолунун 400-чакырымына узундугу 750 метр болгон тоннелди курууга Япониянын Takenaka Civil Engineering компаниясы менен контракттык келишимге кол коюлду.

Курулуш иштерин 2025-жылдын июнь айында баштоо пландалууда.