Бишкек-Ош унаа жолунун 420-чакырымында Беке-Чал тилкесинде чиркегичи бар “MAN” үлгүсүндөгү оор жүк ташуучу унаа оодарылып, жол кыймылына тоскоолдук жараткан. Бул тууралуу Өзгөчө кырдаалдар министрлиги кабарлады.

Маалыматка караганда, саат 09:00дө унаалар өтө албай, жол тыгынын пайда болгон. 500дөн ашуун унаа токтоп калган. Кырдаалды жөнгө салуу максатында Кара-Көл шаардык өзгөчө кырдаалдар бөлүмүнөн ыкчам топ иш алып барышкан. 1 автокран жана 1 автожүктөгүч тартылып, оор жүк ташуучу унаа жол четине чыгарылган.

Учурда жол бир тараптуу ачылып, унаалар өтүп жатат. Жабыркагандар жок.

[image_carousel source=”media: 110632,110631,110630,110629″ limit=”20″ slides_style=”photo” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]