Чоң-Кемин мамлекеттик жаратылыш паркынын кызматкерлери Көк-Ойрок корук аймагына коюлган фотокапкандарды алышты. Жабдууларга Кызыл китепке кирген ак илбирс, ошондой эле сүлөөсүн, карышкыр, каман, тоо эчки жана улар сыяктуу жапайы жаныбарлар менен канаттуулар тартылган.

Жаратылыш ресурстары министрлиги тартылган сүрөттөрду жарыялап, бул маалыматтар жаратылыш паркынын аймагында жапайы жаныбарлардын табигый жашоо чөйрөсү жакшы сакталып, биологиялык ар түрдүүлүк жогорку деңгээлде экенин дагы бир жолу тастыктай турганын билдирди.