Бишкек — Ош унаа жолундагы жол кырсыктан эки адам каза болгонун ӨКМ маалымдады.

14-мартта Жалал-Абад облусунун Токтогул районунда Бишкек — Ош унаа жолунун 300-чакырымында Honda Stepwagen унаасынан өрт чыккандыгы тууралуу маалымат түшкөн.

Өрттү өчүрүүгө саат 14:46да Токтогул райондук №97 ӨКБдан 1 күжүрмөн эсеп жана авариялык-куткаруу унаасы менен 4 куткаруучу тартылып, тилсиз жоо саат 15:35де өчүрүлгөн.

Маалым болгондой, унаанын айдоочусу рулга ээ боло албай, жолдун нугунан чыгып кулаган, натыйжада өрт чыккан. Кырсыктын кесепетинен 2 адам каза тапты.

Учурда жарандардын өздүгү такталууда.