Түркиянын президенти Реджеп Тайип Эрдоган «Al Jazeera» телеканалына берген маегинде Түркиянын Европа Биримдигине кирүүсү өлкө үчүн мындан ары артыкчылыктуу маселе эмес экенин, бирок Анкара ЕБге мүмкүн болгон мүчөлүк үчүн эшигин жаппай турганын билдирди.

Ал Түркия ЕБге кирүү идеясынан баш тартпаганын, бирок бул маселе мындан ары биринчи кезектеги мааниге ээ эмес экенин түшүндүрдү. Анын пикиринде, эгерде Евробиримдик Түркияны четке кагууну улантса, өзү утулат.

Эске салсак, Түркия 1999-жылдан бери ЕБге кирүүгө талапкер статусуна ээ. Кошулуу боюнча сүйлөшүүлөр 2005-жылы башталган, бирок учурда ар кандай маселелер боюнча келишпестиктерден улам алар иш жүзүндө токтоп турат.