Бишкек шаарын жана Чүй облусун газдаштыруу долбоорунун алкагында 66 субъекке 8,47 млн сом суммасында жеңилдетилген насыя берилди. Бул тууралуу Финансы министрлиги маалымдады.

Маалыматка ылайык, мамлекеттик колдоо көрсөтүү максатында 28-апрелде Министрлер Кабинетинин Бишкек жана Чүйдү газдаштыруу боюнча жеңилдетилген каржылоо-3 долбоору бекитилген.

Долбоорду ишке ашырууда «Айыл Банк» жана «Элдик Банк» ачык акционердик коомдору катышкан. Жалпы кредиттөө көлөмү 200 млн сомду түзөт.