2025-жылдын 23-октябрында саат 9:00дөн 22:00гө чейин Бишкектин айрым аймактарында ичүүчү сууну берүү убактылуу токтотулат. Бул тууралуу мэрия билдирди.

Суу берүү төмөнкү жайларга токтотулат:

• турак үйлөргө;
• мектептерге;
• бала бакчаларга;
• саламаттык сактоо мекемелерине;
• социалдык жана өндүрүш багытындагы башка объекттерге.

Өчүрүү аймагы: Анкара көчөсү – ЧЧЧК – Аламүдүн суусу – темир жол тилкеси – Октябрь көчөсү менен чектешкен аймак.

Мындай чаралар «ХБО» суутоптомосунда жүрүп жаткан реконструкциялоо иштерине байланыштуу жүргүзүлөт.

«Бишкексууканал» муниципалдык ишканасы жарандардан жана уюмдардан жаралган ыңгайсыздык үчүн кечирим сурап, ичүүчү сууну алдын ала камдап алууну өтүнөт.