Бишкек шаарына айдоочуларды окутуу жана даярдоо үчүн эки электробус келди. Бул тууралуу шаар мэриясы билдирди.

Маалыматта айтылгандай, электробустар Anhui Ankai Automobile Co. Ltd. компаниясы менен түзүлгөн келишимдин алкагында келген.

Мэрия Азия өнүктүрүү банкынын “Шаар транспортун электрлештирүү” долбоорунун алкагында борбор калаага жалпысынан 120 электробуска келишим түзүлгөнүн билдирди. Алар июнь айларынын аягында келүүсү күтүлүүдө.