Бишкек шаарында 10-августта Eagle FC 49 мелдеши өтөт. Бул тууралуу уюштуруучулар билдирди.
Бул мелдеште 14 беттеш өтөт. Анда башкы таймаштардын бири «Алай» аты менен таанымал кыргызстандык мушкер Бусурманкул Абдибаит уулунун орусиялык «Ахиллес» Расул Магомедовго каршы беттеши болот. Кыргызстандык мушкер орто жеңил салмактагы чемпиондук курун коргойт.
Мелдешке ардактуу конок катары UFCнин мурдагы чемпиону Хабиб Нурмагомедов жана «Хасбик» каймана аты менен таанымал дагестандык блогер Хасбулла Магомедов келет.
Таймаштар Бишкектеги «Бишкек арена» муз аянтчасында өтөт.
Бардык жаңылыктар Телеграм каналда
