Бишкек шаарында жол инфраструктурасын жакшыртуу жана оңдоо иштерине байланыштуу бүгүн, 16-июндан, тарта Кыргыз жана Иманалиев көчөлөрүнүн тилкелери транспорт кыймылы үчүн убактылуу жабылды. Бул тууралуу шаар мэриясы билдирди.

Кыргыз көчөсү Саадаев көчөсүнөн Кичи Чүй каналына чейинки бөлүгү жабылды. Буга байланыштуу №23 жана №203 автобус каттамдарынын жүрүү схемалары убактылуу өзгөртүлдү.

Ал эми Иманалиев көчөсүнүн 7-апрель көчөсүнөн Жукеев-Пудовкин көчөсүнө чейинки аралыгында унаа кыймылына чектөө киргизилди.

Бишкек шаарынын мэриясы айдоочуларды жана жөө жүргүнчүлөрдү жаралган ыңгайсыздыктарга түшүнүү менен мамиле кылууга жана жол жүрүү багыттарын алдын ала пландаштырууга чакырат.