Бишкекте өз жанын кыйган 21 жаштагы жигитти өзүн-өзү өлтүрүүгө жеткирген деп шектелип эки адам кармалды. Бул тууралуу Биринчи май райондук милициясынан билдиришти.

Милициянын маалыматы боюнча, 30-августта “102” кызматына “Панфилов көчөсү №1А” дарегиндеги жатакананын жуунуучу бөлмөсүндө 21 жаштагы А.К. аттуу жаран асынган абалда табылганы тууралуу маалымат түшкөн.

Жерине милиция кызматкерлери барган.

Аталган факт боюнча Кылмыш-жаза кодексинин 128-беренеси (өзүн-өзү өлтүрүүгө жеткирүү) менен кылмыш иши козголуп, тиешелүү соттук-медициналык экспертизалар дайындалган.

Бул ишке шектүү катары 25 жаштагы М.А. жана 28 жаштагы Б.Э. аттуу жарандар кармалган. Соттун чечими менен алар №1 тергөө абагына камакка алынган.