Бишкекте Жол кыймылынын коопсуздугун камсыздоо башкы башкармалыгы айдоочулар менен жүргүнчүлөргө ооз ачар уюштурду. Бул тууралуу аталган башкармалыктын маалымат кызматы билдирди.

Ооз ачарга Бишкектеги Батыш автобекетинен өлкөнүн жети дубанына эл ташыган, Өзбекстан менен Казакстанга жана башка эл аралык багыттар боюнча каттаган айдоочулар менен жолго чыккан жүргүнчүлөр катышты.

Дасторкон үстүндөгү баарлашуу учурунда айдоочуларга жол эрежесин сактоо керектиги тууралуу түшүндүрүү иштери жүргүзүлүп, буклеттер таратылды. Өз кезегинде айдоочулар каттамга чыкканда туш болгон көйгөйлөрү тууралуу айтып берген.