Бишкек шаарындагы Абсамат Масалиев проспектисинин «Нават» чайканасынын жанындагы тилкеси 9-июндан 23-июнуна чейин унаа кыймылы үчүн жабылды. Бул тууралуу шаар мэриясы кабарлады.

Чектөөлөр аталган аймакта жер алдындагы жөө өтмөктүн курулуш иштерине байланыштуу киргизилүүдө.

Бишкек шаарынын мэриясы тургундарды жана айдоочуларды жол жүрүү багыттарын алдын ала пландаштырууга чакырды. Ошондой эле убактылуу келтирилген ыңгайсыздыктарды түшүнүү менен кабыл алууну суранды.