.svg){kind=logo}
Бишкекте Моңголиядагы кыргыздардын тарыхына арналган тасманын жана китептин бет ачары өтөтБишкектеги массалык уулануу — жабыркагандардын саны 44 адамга жеттиДастан Бекешев: Токомбаев көчөсүндө май куюучу жайдын ордуна көп кабаттуу үй курулуп жататБорбордук Азия өлкөлөрү согушсуз эле эгемендүүлүгүн жоготуп алуу коркунучунда туратБишкекте массалык түрдө уулануу катталды — 37 адам жабыркап, бирөө реанимациядаПрезидент бир катар маданият ишмерлерине Токтогул сыйлыгын ыйгарды
Бишкекте автобустагы текшерүүчүгө кол салган адам айыпка жыгылды (видео)
06.02.2024 | 11:24
Бишкекте автобустагы текшерүүчүгө кол салган жүргүнчү кармалды. Бул тууралуу Свердлов райондук милициясынан билдиришти.
Белгилүү болгондой, буга чейин соцтармактарга жүргүнчү автобуста билет, карталарды текшерген кызматкерге кол салганы тартылган видео тараган. Жергиликтүү ММКлар жазгандай, кол салган жүргүнчү башка бир пенсионердин картасын колдонуп жүргөн. Текшерүүчү андан картасын алууга аракет кылганда, жүргүнчү ага кол салган. Андан кийин качып кеткен.
Бул окуяга байланыштуу 63 жаштагы Л.К. аттуу жаран кармалып, милицияга жеткирилген. Ага “майда бейбаштык” беренеси боюнча 5,5 миң сом айыппул салынган. Ошондой эле ал менен түшүндүрүү иштери жүргүзүлгөн.
