Бишкекте коомдук транспорттун айдоочусуна кол салган аялдардын бири милицияга жеткирилди. Бул тууралуу Ленин райондук ички иштер бөлүмү билдирди.

Маалыматка ылайык, 60 жаштагы аялга карата “Майда бейбаштык” беренеси боюнча административдик протокол түзүлүп, иштин материалдары сотко өткөрүлгөн.

Ал эми айдоочуну сабаганы айтылган 34 жаштагы экинчи аял учурда шаарда жок экени белгилүү болду. Милиция анын Бишкекке келери менен суракка алынарын кошумчалады.