Бүгүн Кыргызстанда жер титирөө катталып, анын күчү айрым аймактарда 5 баллга чейин жетти. Сейсмология институтунун маалыматына ылайык, жер титирөөнүн очогу Жалал-Абад шаарынан 50 км түндүк-батышты, Токтогулдан 63 км түштүк-батышты карай жайгашкан.

Жер титирөө сезилген деңгээл:

• Майлуу-Суу – 5 балл
• Жалал-Абад – 4 балл
• Токтогул – 3,5 балл
• Бишкек – 2,5 балл

ӨКМдин маалыматы боюнча, Жалал-Абадда жана Базар-Коргондо эки үйдүн, Сузакта мектептин спорт залынын дубалдарынан жарака кеткен. Министр Бообек Ажикеевдин тапшырмасы менен облустук башкармалыкта “айгай” жарыяланды, Майлуу-Сууга ыкчам топ жөнөтүлдү.