Бишкекте 58 жаштагы аял HOWO үлгүсүндөгү оор жүк ташуучу унаанын астында калып, каза болду. Бул тууралуу милициянын Кайгуул кызмат башкармалыгы билдирди.

Окуя бүгүн, 24-июнда, саат 15:05 чамасында Л. Толстой жана Асаналиев көчөлөрүнүн кесилишинде болгон. Жабырлануучу алган жаракаттарынан улам окуя болгон жерде каза болгон.

Мекеменин маалыматында, кырсык маркум аял жолдун белгиленбеген жеринен өтүүгө аракет кылган учурда болгон. Аял унаанын алдынан чыкканын айдоочу байкаган эмес, себеби ал көрүнбөгөн аймакта калган.

Учурда бул факт боюнча Милициянын кайгуул кызматы тарабынан териштирүү иштери жүргүзүлүүдө.