Бүгүн, 20-августта, Бишкек шаарындагы Бакаев көчөсүнүн Л. Толстой көчөсүнөн Кочкор көчөсүнө чейинки тилкеси унаа кыймылы үчүн убактылуу жабылат. Бул тууралуу шаар мэриясы билдирди.

Чектөөлөр аталган аймактагы жол оңдоо жана инфраструктуралык курулуш иштерине байланыштуу киргизилүүдө. Иш-чаралар жолду жаңылоо жана коопсуздукту камсыздоо максатын көздөйт.

Мэрия айдоочуларды жол жүрүү багыттарын алдын ала пландаштырууга жана альтернативдүү жолдорду колдонууга чакырды.